Me përfundimin e karantinës dhe rikthimin e normalitetit, krimi u rikthye me të njëjtat ritme si para pandemisë. Të dhënat tregojnë se që nga fillimi i vitit në Shqipëri kanë ndodhur 29 vrasje me dashje, 3 më pak në krahasim me një vit më parë.<br /><br />Nga të dhënat që Televizioni Klan ka marrë nga Policia e Shtetit nga muaji Maj deri në fillim të Gushtit kanë ndodhur plot 17 ekzekutime. Pjesa më e madhe e ngjarjeve kriminale janë në Durrës, në Laç, Elbasan, por edhe në Tiranë.<br /><br />Ekspertët kriminalistikë të policisë thonë se pati një rritje të menjëhershme të vrasjeve, pasi në vend rifilluan të lehtësoheshin masat për lëvizjen e qytetarëve.<br /><br />Vrasjet më të rënda që kanë ndodhur pas lehtësimit të masave, është ekzekutimi i dyfishtë në Laç, ku u vranë, Bujar Lika dhe Paulin Gjergji. Edhe Elbasani iu rikthye ngjarjeve të rënda kriminale me atentatin ndaj Ardjan Çapjes, ekzekutimin e Emiljano Ramazanit, Regis Runajt dhe Florian Lamçes.<br /><br />Tirana u trondit mbrëmjen e 8 Qershorit me vrasjen e Hekuran Billës, ndërsa në Durrës u vranë dy vëllezërit Haxhija. Rritja e vrasjeve pas karantinës sipas policisë ka ardhur për shkak të larjes së hesapeve, hakmarrjes apo konfliktet që kanë grupet kriminale me njëri-tjetrin.<br /><br />Zonat ku ndodhën më shumë ngjarje kriminale janë Elbasani, Laçi, Lezha, Tirana dhe Durrësi.<br /><br />Tv Klan<br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
